ಟಿ20 ಕ್ರಿಕೆಟ್ ಪಂದ್ಯದಲ್ಲಿ ದಾಖಲೆ ನಿರ್ಮಿಸಿದ ಭಾರತ

ಬಾಂಗ್ಲಾದೇಶದ ವಿರುದ್ದ ಇಂದು ನಡೆದ ಟಿ20 ಕ್ರಿಕೆಟ್ ನಲ್ಲಿ ಭಾರತ ದಾಖಲೆಯ ಮೊತ್ತ ಕಲೆ ಹಾಕಿದೆ. ಮೊದಲು ಬ್ಯಾಟ್ ಮಾಡಿದ ಟೀಂ ಇಂಡಿಯಾ ನಿಗದಿತ 20 ಓವರ್ ಮುಗಿದಾಗ 297 ರನ್ ಗಳಿಸಿ ರನ್ ಹೊಳೆಯನ್ನೇ ಹರಿಸಿದೆ.

ತಂಡದ ಪರವಾಗಿ ಆರಂಭಿಕ ಸಂಜು ಸ್ಯಾಮ್ಸನ್ 47 ಎಸೆತಗಳಲ್ಲಿ 8 ಸಿಕ್ಸ್ ಹಾಗೂ 11 ಬೌಂಡರಿಯೊಂದಿಗೆ 111 ರನ್ ಸಿಡಿಸಿದರು. ನಾಯಕ ಸೂರ್ಯಕುಮಾರ್ ಯಾದವ್ ಕೇವಲ 35 ಎಸೆತಗಳಲ್ಲಿ 5 ಸಿಕ್ಸ್ ಹಾಗೂ 8 ಫೋರ್ ನೊಂದಿಗೆ 75 ರನ್ ಸಿಡಿಸಿದರು. ರಿಯಾನ್ ಪರಾಗ್ 13 ಎಸೆತಗಳಲ್ಲಿ 4 ಸಿಕ್ಸ್, ಒಂದು ಫೋರ್ ನೋಂದಿಗೆ 34 ರನ್ ಗಳಿಸಿದರು. ಹಾರ್ದಿಕ್ ಪಾಂಡ್ಯ 18 ಎಸೆತಗಳ ಮುಂದೆ 47 ರನ್ ಸಿಡಿಸಿದರು.