ಭಾರತ-ಆಸ್ಟ್ರೇಲಿಯ ವಿಶ್ವ ಟೆಸ್ಟ್ ಚಾಂಪಿಯನ್: ಸ್ಟೀವ್ ಸ್ಮಿತ್ ಅತ್ಯದ್ಭುತ ಕ್ಯಾಚ್ ಗೆ 2 ಬಾರಿ ಬಲಿಯಾದ ಕಿಂಗ್ ಕೊಹ್ಲಿ

ಲಂಡನ್ ಓವಲ್ ಮೈದಾನದಲ್ಲಿ ನಡೆದ ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್  ಫೈನಲ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಕ್ರಮವಾಗಿ 14 ಹಾಗೂ 49 ರನ್ ಗಳಿಸಿ ಔಟಾಗಿದ್ದರು. ವಿಶೇಷ ಎಂದರೆ ವಿರಾಟ್ ಕೊಹ್ಲಿಯ ಈ ಎರಡೂ ಔಟ್ಗಳಲ್ಲೂ ಪ್ರಮುಖ ಪಾತ್ರವಹಿಸಿದ್ದು ಸ್ಟೀವ್ ಸ್ಮಿತ್. ಮೊದಲ ಇನಿಂಗ್ಸ್ನಲ್ಲಿ ವಿರಾಟ್ ಕೊಹ್ಲಿ 14 ರನ್ಗಳಿಸಿದ್ದಾಗ ಮಿಚೆಲ್ ಸ್ಟಾರ್ಕ್ ಬೌನ್ಸರ್ ಎಸೆದಿದ್ದರು. ಅನಿರೀಕ್ಷಿತವಾಗಿ ಎದುರಾದ ಬೌನ್ಸರ್ ಬ್ಯಾಟ್ ಅನ್ನು ಸವರಿ ಸ್ಲಿಪ್ನತ್ತ ಸಾಗಿತ್ತು. ಕ್ಷಣಾರ್ಧದಲ್ಲೇ ಜಿಗಿಯುವ ಮೂಲಕ ಸ್ಟೀವ್ ಸ್ಮಿತ್ ಚೆಂಡನ್ನು ಹಿಡಿದಿದ್ದರು.

ಇದಾದ ಬಳಿಕ 2ನೇ ಇನಿಂಗ್ಸ್ ನಲ್ಲಿ 49 ರನ್ ಗಳಿಸಿದ್ದ ವೇಳೆ ಸ್ಕಾಟ್ ಬೋಲ್ಯಾಂಡ್ ಎಸೆದ ಔಟ್ ಸೈಡ್ ಆಫ್ ಸ್ಟಂಪ್ ಎಸೆತವನ್ನು ಕೊಹ್ಲಿ ಡ್ರೈವ್ ಮಾಡಲು ಕೊಹ್ಲಿ ಯತ್ನಿಸಿದ್ದರು. ಆದರೆ ಚೆಂಡು ಬ್ಯಾಟ್ ಸವರಿ ಸ್ಲಿಪ್ನತ್ತ ಸಾಗಿದೆ. ಕ್ಷಣಾರ್ಧದಲ್ಲೇ ಗಾಳಿಯಲ್ಲಿ ಬಲಕ್ಕೆ ಜಿಗಿಯುವ ಸ್ಟೀವ್ ಸ್ಮಿತ್ ಅದ್ಭುತವಾಗಿ ಕ್ಯಾಚ್ ಹಿಡಿದರು. ಸ್ಟೀವ್ ಸ್ಮಿತ್ ಕ್ಯಾಚ್ ಗೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ.

ಒಂದೆಡೆ ಆಸ್ಟ್ರೇಲಿಯಾ ಬೌಲರ್ಗಳ ಕರಾರುವಾಕ್ ದಾಳಿ ಮತ್ತೊಂದೆಡೆ ಸ್ಟೀವ್ ಸ್ಮಿತ್ ಅವರ ಪ್ರಚಂಡ ಫೀಲ್ಡಿಂಗ್ಗೆ ಎರಡು ಬಾರಿ ಕೂಡ ವಿರಾಟ್ ಕೊಹ್ಲಿ ತಲೆಬಾಗಲೇಬೇಕಾಯಿತು. ಇದೀಗ ಸ್ಟೀವ್ ಸ್ಮಿತ್ ಅವರ ಈ ಅದ್ಭುತ ಕ್ಯಾಚ್ಗಳ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ