ದ್ವಿಚಕ್ರ ವಾಹನ ಅಪಘಾತಕ್ಕೀಡಾಗಿ ಮೃತಪಟ್ಟ ಅಬ್ದುಲ್ ಖಾದರ್ ಮನೆಗೆ ಮುಸ್ಲಿಂ ಯುವಜನ ಪರಿಷತ್ ನಿಯೋಗ ಭೇಟಿ -ಸಾಂತ್ವನ
![](http://newsbites.in/wp-content/uploads/2024/08/PHOTO-2024-08-31-17-33-00-741x1024.jpg)
ಪುತ್ತೂರು: ಕಾಣಿಯೂರಿನಲ್ಲಿ ಮುಸ್ಲಿಂ ವ್ಯಾಪಾರಿಗಳ ಮೇಲೆ ನಡೆದ ದೌರ್ಜನ್ಯದ ವಿರುದ್ಧದ,ಪುತ್ತೂರಿನಲ್ಲಿ ಮುಸ್ಲಿಂ ಯುವಜನ ಪರಿಷತ್ ವತಿಯಿಂದ ನಡೆದ, ಖಂಡನಾ ಸಭೆಗೆ ಆಗಮಿಸಿ ಹಿಂತಿರುಗಿದಿದ್ದ ವೇಳೆ ದ್ವಿಚಕ್ರ ವಾಹನ ಅಪಘಾತಕ್ಕೀಡಾಗಿ ಮೃತಪಟ್ಟ ಪಾಣೆಮಂಗಳೂರಿನ ಉಪ್ಪುಗುಡ್ಡೆ ನಿವಾಸಿ ಅಬ್ದುಲ್ ಖಾದರ್ ಕುಟುಂಬಸ್ಥರನ್ನು ದ.ಕ. ಜಿಲ್ಲಾ ಯುವಜನ ಪರಿಷತ್ತಿನ ಪದಾಧಿಕಾರಿಗಳು, ಭೇಟಿ ಮಾಡಿ, ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದರು.
![](http://newsbites.in/wp-content/uploads/2022/10/IMG_20221030_102349-300x162.jpg)
ದ.ಕ.ಮುಸ್ಲಿಂ ಯುವಜನಾ ಪರಿಷತ್ತಿನ ಸಂಚಾಲಕರಾದ ನ್ಯಾಯವಾದಿ ನೂರುದ್ದೀನ್ ಸಾಲ್ಮರ, ಅಧ್ಯಕ್ಷರಾದ ಅಶ್ರಫ್ ಕಲ್ಲೆಗ, ಉಪಾಧ್ಯಕ್ಷರಾದ ಇಬ್ರಾಹಿಂ ಸಾಗರ್, ಮೂಸ ಕರೀಂ ಮಾಣಿ, ಪದಾಧಿಕಾರಿಗಳಾದ ಅಬೂಬಕ್ಕರ್ ಮುಲಾರ್, ಅಬ್ದುಲ್ ಹಮೀದ್ ಸಾಲ್ಮರ ಎಂ.ಬಿ ಇಸ್ಮಾಯಿಲ್ ಬಲ್ನಾಡ್, ಅಬ್ದುಲ್ ಹಮೀದ್ ಸೋಂಪಾಡಿ ಉಪಸ್ಥಿತರಿದ್ದರು.