ಗಾಝಾ: ಇಸ್ರೇಲ್ ದಾಳಿಯಲ್ಲಿ ಕನಿಷ್ಠ 43 ಮಂದಿ ಮೃತ್ಯು
ದಕ್ಷಿಣ ಗಾಝಾ ಮತ್ತು ಮಧ್ಯ ಗಾಝಾದಲ್ಲಿ ಗುರುವಾರ ಬೆಳಗ್ಗಿನಿಂದ ಇಸ್ರೇಲ್ ಮಿಲಿಟರಿ ನಡೆಸಿದ ದಾಳಿಯಲ್ಲಿ ಕನಿಷ್ಠ 43 ಮಂದಿ ಸಾವನ್ನಪ್ಪಿರುವುದಾಗಿ ವರದಿಯಾಗಿದೆ.
ಗಾಝಾ ಪಟ್ಟಿಯ ಅಲ್-ಝವೈದಾ ನಗರದಲ್ಲಿ ಸ್ಥಳಾಂತರ ಗೊಂಡವರು ನೆಲೆಸಿದ್ದ ಡೇರೆ ಮತ್ತು ಮನೆಯೊಂದರ ಮೇಲೆ ನಡೆದ ದಾಳಿಯಲ್ಲಿ 8 ಮಕ್ಕಳು ಸೇರಿದಂತೆ 12 ಮಂದಿ ಸಾವನ್ನಪ್ಪಿದ್ದು ಮನೆ ಧ್ವಂಸಗೊಂಡಿದೆ. ದೀರ್ ಅಲ್-ಬಲಾಹ್ ನಗರದಲ್ಲಿ ಡೇರೆಯೊಂದರ ಮೇಲೆ ನಡೆದ ವೈಮಾನಿಕ ದಾಳಿಯಲ್ಲಿ ಬಾಲಕಿ ಸಾವನ್ನಪ್ಪಿದ್ದು 7 ಮಂದಿ ಗಾಯಗೊಂಡಿದ್ದಾರೆ. ಖಾನ್ ಯೂನಿಸ್ ನಗರದಲ್ಲಿ ಅಪಾಟ್ ೯ಮೆಂಟ್ ಕಟ್ಟಡವೊಂದರ ಮೇಲೆ ನಡೆದ ದಾಳಿಯಲ್ಲಿ 4 ಮಂದಿ ಸಾವನಪ್ಪಿದ್ದಾರೆ ಎಂದು ವರದಿಯಾಗಿದೆ.
