ವಿಟ್ಲ: ಡಿ ಗ್ರೂಪ್ ವಿಟ್ಲ, ಬ್ಲಡ್ ಡೋನರ್ಸ್ ಮಂಗಳೂರು ವತಿಯಿಂದ ರಕ್ತದಾನ ಶಿಬಿರ, ಸನ್ಮಾನ ಕಾರ್ಯಕ್ರಮ

ವಿಟ್ಲ: ಡಿ’ ಗ್ರೂಪ್ ವಿಟ್ಲ ಹಾಗೂ ಬ್ಲಡ್ ಡೋನರ್ಸ್ ಮಂಗಳೂರು ಇದರ ವತಿಯಿಂದ ವಿಟ್ಲದಲ್ಲಿ ಸಾರ್ವಜನಿಕ ಬೃಹತ್ ರಕ್ತದಾನ ಶಿಬಿರ ಹಾಗೂ ಸನ್ಮಾನ ಕಾರ್ಯಕ್ರಮ ವಿಟ್ಲದ ಸ್ಮಾರ್ಟ್ ಸಿಟಿ ಮುಂಭಾಗದಲ್ಲಿ ನಡೆಯಿತು.

ಹಾಜಿ ಹಕೀಮ್ ಅರ್ಷದಿ ದುವಾ ನಿರ್ವಹಿಸಿದರು. ಡಿ’ ಗ್ರೂಪ್ ಅಧ್ಯಕ್ಷರಾಗಿರುವ ರಿಯಾಝ್ ವಿ.ಹೆಚ್ ರಕ್ತದಾನ ಮಾಡುವುದರೊಂದಿಗೆ ಉದ್ಘಾಟನೆಯನ್ನು ನೆರವೇರಿಸಿದರು. ಅಂತರಾಷ್ಟ್ರೀಯ ಮಟ್ಟದ ಮುಕ್ತ ಕರಾಟೆ ಚಾಂಪಿಯನ್ ಶಿಪ್ ನಲ್ಲಿ ದ್ವಿತೀಯ ಸ್ಥಾನ ಪಡೆದು ಬೆಳ್ಳಿ ಪದಕ ಗೆದ್ದಿರುವ ಕುಮಾರಿ ಧನ್ವಿ ಸಣ್ಣಗುತ್ತು ಅವರನ್ನು ಸನ್ಮಾನಿಸಲಾಯಿತು

ವೇದಿಕೆಯಲ್ಲಿ ಸಂಸ್ಥೆಯ ಗೌರವಾಧ್ಯಕ್ಷರಾಗಿರುವ ಅಝೀಝ್ ಸನಾ, ಡಿ’ ಗ್ರೂಪ್ ನಿಕಟಪೂರ್ವ ಅಧ್ಯಕ್ಷರಾಗಿರುವ ಕಲಂದರ್ ಪರ್ತಿಪ್ಪಾಡಿ, ಕಾರ್ಯದರ್ಶಿ ಶಾಕಿರ್ ಅಳಕೆಮಜಲು, ಜೊತೆ ಕಾರ್ಯದರ್ಶಿ ಹಂಝ ವಿ.ಕೆ.ಎಂ, ಕೋಶಾಧಿಕಾರಿ ಬಷೀರ್ ಬೊಬ್ಬೆಕೇರಿ, ಡಿ’ ಗ್ರೂಪ್ ಆಂಬುಲೆನ್ಸ್ ನಿರ್ವಾಹಕರಾಗಿರುವ ಹಂಝ ವಿ, ರಫೀಕ್ ಪೊನ್ನೋಟು, ಉಬೈದ್ ವಿಟ್ಲ ಬಝಾರ್, ಬ್ಲಡ್ ಡೋನರ್ಸ್ ಮಂಗಳೂರು ಸ್ಥಾಪಕಾಧ್ಯಕ್ಷರಾಗಿರುವ ಸಿದ್ದೀಕ್ ಮಂಜೇಶ್ವರ, ಡಿ’ ಗ್ರೂಪ್ ಸದಸ್ಯರಾಗಿರುವ ಸಮದ್ ಏರ್ ಸೌಂಡ್ಸ್, ರಾಝಿ ಡಿ’ ,ರಮೀಝ್, ಸಿಬಾಕ್, ಬ್ಲಡ್ ಡೋನರ್ಸ್ ಮಂಗಳೂರು ಕಾರ್ಯ ನಿರ್ವಹಕರಾಗಿರುವ ತೌಫೀಕ್ ಕುಳಾಯಿ, ಮನ್ಸೂರ್ ಬಿ ಸಿ ರೋಡ್, ಸದಸ್ಯರಾಗಿರುವ ಸಫ್ವನ್ ಕುಳವೂರು ಹಾಗೂ ಯೆನಪೋಯ ವೈದ್ಯಾಧಿಕಾರಿಗಳು ಮತ್ತು ಸಿಬ್ಬಂದಿಗಳು ಉಪಸ್ಥಿತರಿದ್ದರು.