ಜುಬೈಲ್’ನಲ್ಲಿ ಸಾಲ್ಮರ ದಾರುಲ್ ಹಸನಿಯ ಅಕಾಡೆಮಿಯ ಪೂರ್ವಭಾವಿ ಸಭೆ

ಪುತ್ತೂರು: ಸಾಲ್ಮರ ದಾರುಲ್ ಹಸನಿಯ ಅಕಾಡೆಮಿ ಸಮಿತಿಯ ಪೂರ್ವಭಾವಿ ಸಭೆ ಜುಬೈಲ್ ನಲ್ಲಿ ನಡೆಯಿತು.
ಸಭೆಯಲ್ಲಿ ಮುಂದಿನ 24-10-2024 ರಂದು ನಡೆಯಲಿರುವ ಬೃಹತ್ ಪ್ರಚಾರ ಸಮಾವೇಶದ ಬಗ್ಗೆ ಚರ್ಚಿಸಲಾಯಿತು. ಕುಂಬೋಳ್ ತಂಗಲ್ ನೇತೃತ್ವದಲ್ಲಿ ಕಾರ್ಯಕ್ರಮ ನಡೆಸುವುದೆಂದು ತೀರ್ಮಾನಿಸಲಾಯಿತು.

ಪ್ರಚಾರ ಸಮಾವೇಶದ ಮೊದಲು ಇನ್ನೊಂದು ಪೂರ್ವಭಾವಿ ಸಭೆಯನ್ನು ಕರೆಯುವುದೆಂದು ತೀರ್ಮಾನಿಸಲಾಯಿತು. ಸಂಸ್ಥೆಯ ಇತರ ಧಾರ್ಮಿಕ ಶೈಕ್ಷಣಿಕ ವಿಷಯದ ಬಗ್ಗೆ ಸಮಾರಂಭದ ನಂತರ ಚರ್ಚಿಸಲಾಗುವುದು ಎಂದು ತೀರ್ಮಾನಿಸಲಾಯಿತು.

ಈ ಸಭೆಯಲ್ಲಿ ಸಂಸ್ಥೆಯ ಗೌರವಾಧ್ಯಕ್ಷ ಮುನೀರ್ ಹಾಜಿ, ಗೌರವ ಸಲಹೆಗಾರ ಫಾರೂಕ್ ಪೋರ್ಟ್ ವೇ, ಉಪಾಧ್ಯಕ್ಷ ತೌಸಿರ್ ದರ್ಬೆ, ಹಮೀದ್ ಅರಮೆಕ್ಸ್, ಸಯ್ಯದ್ ತಂಗಲ್ ಉಪ್ಪಿನಂಗಡಿ, ಝಿಯಾದ್ ದರ್ಬೆ, ಖಜಾಂಜಿ ಆಸಿಫ್ ಹಾಜಿ ದರ್ಬೆ, ಪ್ರಧಾನ ಕಾರ್ಯದರ್ಶಿ ನಿಝಾರ್ ಸಾಮೆತಡ್ಕ ಮತ್ತು ಕಾರ್ಯಕಾರಿಣಿ ಸದಸ್ಯರಾದ ನಿಝಾಮ್ ಅರಂದಾ, ಫಹದ್ ದರ್ಬೆ, ಉದೈಫ್ ಕೊರಿಂಗಿಲ, ಮುಷ್ತಾಕ್ ಕೋಡಿಂಬಾಡಿ ಭಾಗವಹಿಸಿದ್ದರು