ಕೊಟ್ಯಾಡಿಯಲ್ಲಿ ಮನೆ ಕುಸಿತ: ಕೂದಲೆಳೆ ಅಂತರದಲ್ಲಿ ಪಾರಾದ ಮನೆಯವರು

ಪುತ್ತೂರು: ನೆ.ಮುಡ್ನೂರು ಗ್ರಾಮದ ಕೋಟ್ಯಾಡಿಯಲ್ಲಿ ಭಾರೀ ಮಳೆಗೆ ಮನೆಯೊಂದು ಕುಸಿತಗೊಂಡು ಮನೆ ಮಂದಿ ಅಪಾಯದಿಂದ ಪಾರಾದ ಘಟನೆ ಆ. 3ರಂದು ನಡೆದಿದೆ.

ಕೊಟ್ಯಾಡಿಯ ಬೀಫಾತುಮ್ಮಾ ಅವರ ಮನೆ ಕುಸಿತಕ್ಕೊಳಗಾಗಿದ್ದು ಅಪಾರ ನಷ್ಟ ಉಂಟಾಗಿದೆ. ಬೀಫಾತುಮ್ಮಾ ಹಾಗೂ ಅವರ ಇಬ್ಬರು ಮೊಮ್ಮಕ್ಕಳು ಮನೆಯೊಳಗಿದ್ದ ವೇಳೆ ಮನೆಯ ಮೇಲಿನಿಂದ ಶಬ್ದ ಕೇಳಿದ್ದು ಕೂಡಲೇ  ತಮ್ಮ ಇಬ್ಬರು ಮೊಮ್ಮಕ್ಕಳೊಂದಿಗೆ ಮನೆಯ ಹೊರಗೆ ಓಡಿದ್ದರಿಂದ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ತಿಳಿದು ಬಂದಿದೆ.

ಇದ್ದ ಮನೆಯನ್ನೂ ಕಳೆದುಕೊಂಡಿರುವ ಬಡ ಕುಟುಂಬ ಇದೀಗ ಆತಂತ್ರ ಸ್ಥಿತಿಯಲ್ಲಿದೆ. ಬಡ ಕುಟುಂಬಕ್ಕೆ ಸರಕಾರ ಅಥವಾ ದಾನಿಗಳು ಕೂಡಲೇ ಸ್ಪಂದಿಸಿ ಮನೆ ನಿರ್ಮಿಸಿಕೊಡುವ ಕಾರ್ಯ ಮಾಡಬೇಕಿದೆ ಎನ್ನುವ ಆಗ್ರಹ ಕೇಳಿ ಬಂದಿದೆ.
ಸ್ಥಳಕ್ಕೆ ನೆಮುಡ್ನೂರು ಗ್ರಾಪಂ ಪಿಡಿಓ ಕೆ.ಪಿ ಸುಬ್ಬಯ್ಯ, ಸದಸ್ಯ ರಿಯಾಝ್ , ವಿ.ಎ ಮಂಜುನಾಥ್ ಭೇಟಿ ನೀಡಿದ್ದಾರೆ.