ಬೆಟ್ಟಂಪಾಡಿ: ಕಾಡು ಕೋಣ ತಿವಿದು ವ್ಯಕ್ತಿಯೋರ್ವರಿಗೆ ಗಂಭೀರ ಗಾಯ-ಆಸ್ಪತ್ರೆಗೆ ದಾಖಲು

ಬೆಟ್ಟಂಪಾಡಿ ಸಮೀಪದ ನಿಡ್ಪಳ್ಳಿ ಬ್ರಹ್ಮರಗುಂಡ ಎಂಬಲ್ಲಿ ವ್ಯಕ್ತಿಯೋರ್ವರಿಗೆ ಕಾಡು ಕೋಣ ತಿವಿದು ಗಂಭೀರ ಗಾಯಗೊಂಡಿರುವ ಬಗ್ಗೆ ವರದಿಯಾಗಿದೆ.

ಬ್ರಹ್ಮರಗುಂಡ ನಿವಾಸಿ ಪದ್ಮನಾಭ ಪ್ರಭು (76ವ.) ಎಂಬವರಿಗೆ ಕಾಡುಕೋಣ ತಿವಿದು ಗಂಭೀರ ಗಾಯವಾಗಿದ್ದು ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪದ್ಮನಾಭ ಪ್ರಭುರವರು ಬೆಳಿಗ್ಗೆ ಸುಮಾರು 8.00 ಗಂಟೆಯ ವೇಳೆಗೆ ತನ್ನ ತೋಟಕ್ಕೆಂದು ಹೋಗುತ್ತಿದ್ದಾಗ ದಿಢೀರನೆ ಪ್ರತ್ಯಕ್ಷವಾದ ಕಾಡುಕೋಣವೊಂದು ಅವರಿಗೆ ತಿವಿದಿದೆ.

ತಿವಿದ ತೀವ್ರತೆಗೆ ಅವರ ಕಾಲು, ತೊಡೆಯ ಭಾಗದಲ್ಲಿ ಕೋಣದ ಕೊಂಬು ಹೊಕ್ಕಿ ಗಂಭೀರ ಗಾಯಗೊಂಡಿದ್ದಾರೆ ಎಂದು ತಿಳಿದುಬಂದಿದೆ. ತಕ್ಷಣವೇ ಅವರನ್ನು ಪುತ್ತೂರಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪುತ್ತೂರಿನ ದರ್ಬೆ ಹಿತ ಆಸ್ಪತ್ರೆಯಲ್ಲಿ ಅವರು ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಿಳಿದು ಬಂದಿದೆ.