ಇತಿಹಾಸ ಪ್ರಸಿದ್ಧ ಕೇಪು ಕೋಳಿ ಅಂಕಕ್ಕೆ ಪೊಲೀಸರ ಅಡ್ಡಿ ಆರೋಪ: ಖುದ್ದು ಸ್ಥಳದಲ್ಲಿ ನಿಂತು ಕೋಳಿ ಅಂಕ ಮಾಡಿಸಿದ ಅಶೋಕ್ ರೈ

ಕೇಪು ಉಳ್ಳಾಲ್ತಿ ದೇವಸ್ಥಾನದಲ್ಲಿ ವರ್ಷಂಪ್ರತಿ ನಡೆಯುವ ಕೋಳಿ ಅಂಕ ಕಾರ್ಯಕ್ರಮಕ್ಕೆ ಪೊಲೀಸರು ಅಡ್ಡಿಪಡಿಸಿದ ಘಟನೆ ಡಿ.20ರಂದು ನಡೆದಿದ್ದು  ಸ್ಥಳಕ್ಕೆ ಭೇಟಿ ನೀಡಿದ ಶಾಸಕ ಅಶೋಕ್ ರೈ ಅವರು ಖುದ್ದಾಗಿ ಸ್ಥಳದಲ್ಲಿ ನಿಂತು ಕೋಳಿ ಅಂಕ ಮಾಡಿಸಿದ್ದಾರೆ. ಸುಮಾರು 800 ವರ್ಷಗಳ ಇತಿಹಾಸ ಇರುವ ಕೇಪು ಕೋಳಿ ಅಂಕದಲ್ಲಿ ಯಾವುದೇ ಜೂಜಾಟದ ಅಂಕ ನಡೆಯುವುದಿಲ್ಲ, ಇದು ಧಾರ್ಮಿಕ ಹಿನ್ನೆಲೆಯಲ್ಲಿ ಆಗುತ್ತಿರುವ ಕೋಳಿ ಅಂಕ ಆದ ಕಾರಣ ಅವಕಾಶ ಸಿಗಬೇಕು, ಪೊಲೀಸರು ಕೇಸು ಮಾಡುವುದಾದರೆ ಮೊದಲು ನನ್ನ ಮೇಲೆ ಮಾಡಲಿ ಎಂದು ಶಾಸಕರು ತಿಳಿಸಿದರು.