ಸುಳ್ಯ :ನಿಂತಿದ್ದ ಕಾರಿಗೆ ಲಾರಿ ಡಿಕ್ಕಿ, ಕಾರಿನ ಹಿಂಭಾಗ ಸಂಪೂರ್ಣ ಜಖಂ

ಸುಳ್ಯ: ಇಲ್ಲಿನ ಮೊಗರ್ಪಣೆ ಸೇತುವೆಯ ಬಳಿಯ ಹಾರಿಸ್ ಕಾಂಪ್ಲೆಕ್ಸ್ ಮುಂಭಾಗದಲ್ಲಿ ನರ್ಸರಿ ಅಂಗಡಿಯ ಬಳಿ ನಿಂತಿದ್ದ ಕ್ರೇಟಾ ಕಾರಿನ ಹಿಂಭಾಗಕ್ಕೆ ಸುಳ್ಯ ಭಾಗದಿಂದ ಬಂದ ಲಾರಿ ಡಿಕ್ಕಿ ಹೊಡೆದು ಕಾರಿನ ಹಿಂಬದಿ ಸಂಪೂರ್ಣ ಜಖಂಗೊಂಡ ಘಟನೆ ಅ.2ರ ರಾತ್ರಿ ವರದಿಯಾಗಿದೆ.

ಹಾರಿಸ್ ಕಾಂಪ್ಲೆಕ್ಸ್ ನಲ್ಲಿ ಇಂದು ಶುಭಾರಂಭಗೊಳ್ಳಲಿರುವ ನೂತನ ಸಂಸ್ಥೆಯೊಂದಕ್ಕೆ ಪುತ್ತೂರು ಭಾಗದಿಂದ ಬಂದವರ ಕಾರು ಇದಾಗಿದ್ದು, ಘಟನೆಯ ಸಂದರ್ಭ ಕಾರಿನಲ್ಲಿ ಯಾರೂ ಇಲ್ಲದ ಕಾರಣ ಹೆಚ್ಚಿನ ಅನಾಹುತ ತಪ್ಪಿದೆ ಎಂದು ತಿಳಿದುಬಂದಿದೆ.