ಕಾರು-ಸ್ಕೂಟಿ ನಡುವೆ ಭೀಕರ ಅಪಘಾತ: ಸ್ಕೂಟಿ ಸವಾರ ಸಾವು

ಬೆಳ್ತಂಗಡಿ: ಕಾರು ಮತ್ತು ಸ್ಕೂಟಿ ನಡುವೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ಸ್ಕೂಟಿ ಸವಾರ ಓಡಿಲ್ನಾಳದ ಸಜೇಶ್ (24)ಸಾವನ್ನಪ್ಪಿದ್ದಾರೆ.

ಸಜೇಶ್ ಬೆಳ್ತಂಗಡಿಯಿಂದ ಚಿಕ್ಕಮಗಳೂರಿನ ತನ್ನ ಸಂಬಂಧಿಯ ಮನೆಗೆ ತೆರಳುವ ವೇಳೆ ಚಿಕ್ಕಮಗಳೂರಿನ ಎನ್ ಆರ್ ಪುರ ತಾಲ್ಲೂಕಿನ ಗುಬ್ಬಿಗ ಗ್ರಾಮದ ಬಳಿ ಡಿ. 19 ರ ಸಂಜೆ ಘಟನೆ ನಡೆದಿದ್ದು, ತೀವ್ರ ಗಾಯಗೊಂಡ ಸಜೇಶ್ ರನ್ನು ಆಸ್ಪತ್ರೆ ಸಾಗಿಸುವ ದಾರಿ ಮಧ್ಯೆ ಕೊನೆಯುಸಿರೆಳೆದಿದ್ದಾರೆ. ಸಜೇಶ್ ರ ಪಾರ್ಥೀವ ಶರೀರವನ್ನು ತಡರಾತ್ರಿ ಓಡಿಲ್ನಾಳಕ್ಕೆ ತರಲಾಗಿದೆ ಎಂದು ತಿಳಿದು ಬಂದಿದೆ.