ಕೆಯ್ಯೂರಿನಲ್ಲಿ ಚಡ್ಡಿ ಗ್ಯಾಂಗ್..!ತಲವಾರು ತೋರಿಸಿ ಬೆದರಿಕೆ ಆತಂಕದಲ್ಲಿ ಗ್ರಾಮಸ್ಥರು…!
ಪುತ್ತೂರು: ಇತ್ತೀಚೆಗೆ ಜನರ ನಿದ್ದೆಗೆಡಿಸಿದ್ದ ಮತ್ತು ಮಂಗಳೂರಿನಲ್ಲಿ ಭಾರೀ ಸದ್ದು ಮಾಡಿದ್ದ ಚಡ್ಡಿ ಗ್ಯಾಂಗ್ ದರೋಡೆಕೋರರಂತೆಯೇ ಕೆಯ್ಯೂರಿನಲ್ಲೂ ಚಡ್ಡಿ ಗ್ಯಾಂಗ್ ದರೋಡೆಕೋರರು ಕಾಣಿಸಿಕೊಂಡ ಬಗ್ಗೆ ವರದಿಯಾಗಿದೆ.
ಕೆಯ್ಯೂರಿನ ಸಣಂಗಳದಲ್ಲಿ ನ.5 ರಂದು ರಾತ್ರಿ 9 ಗಂಟೆಯ ಅಂದಾಜಿಗೆ ಮನೆಯಂಗಳದಲ್ಲಿ ಚಡ್ಡಿ ಬನಿಯನ್ ಹಾಗೂ ಮುಖಕ್ಕೆ ಮಾಸ್ಕ್ ಧರಿಸಿದ್ದ ನಾಲ್ಕು ಮಂದಿ ಕಾಣಸಿಕೊಂಡಿದ್ದು ರಬ್ಬರ್ ಟ್ಯಾಪಿಂಗ್ ಕೆಲಸ ಮಾಡುತ್ತಿರುವ ಮಾರ್ಗರೇಟ್ ಎಂಬವರ ಬಾಡಿಗೆ ಮನೆಯ ಅಂಗಳಕ್ಕೆ ಬಂದ ಈ ಗ್ಯಾಂಗ್ ಅವರನ್ನು ತಲವಾರು ತೋರಿಸಿ ಹೆದರಿಸಿ ಹಣ, ಒಡವೆ ನೀಡುವಂತೆ ಬೆದರಿಸಿದ್ದಾರೆ. ಇದೇ ವೇಳೆಗೆ ಮನೆಯಲ್ಲಿ ಇತರರು ಇದ್ದ ಕಾರಣ ಚಡ್ಡಿ ಗ್ಯಾಂಗ್‌ನವರು ತಪ್ಪಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಇದೇ ವೇಳೆ ಮಾರ್ಗರೇಟ್‌ರವರು ಮನೆಯೊಳಗೆ ಓಡಿ ಹೋಗಿ ಬಾಗಿಲು ಹಾಕಿದ್ದು ಅಲ್ಲದೆ ಮನೆಯ ಕಿಟಕಿಯ ಮೂಲಕ ಚಡ್ಡಿ ಗ್ಯಾಂಗ್‌ನವರ ಫೋಟೋ ಕ್ಕಿಕ್ಕಿಸಿದ್ದಾರೆ. ಚಡ್ಡಿ ಗ್ಯಾಂಗ್‌ನಿಂದಾಗಿ ಗ್ರಾಮಸ್ಥರಲ್ಲಿ ಭಯ ಆವರಿಸಿದೆ.
