ಕಿರುಚುತ್ತಾ, ಕುಣಿಯುತ್ತಾ ರಿಶಬ್ ಪಂತ್’ನ್ನು ರನೌಟ್’ನಿಂದ ಬಚಾವ್ ಮಾಡಿದ ಸರ್ಫರಾಜ್

ಬೆಂಗಳೂರಿನಲ್ಲಿ ನಡೆಯುತ್ತಿರುವ ನ್ಯೂಝಿಲೆಂಡ್ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದದ 2ನೇ ಇನಿಂಗ್ಸ್ ನಲ್ಲಿ ಟೀಮ್ ಇಂಡಿಯಾ ಬ್ಯಾಟ್ಸ್ ಮೆನ್ ಗಳು ಉತ್ತಮ ಪ್ರದರ್ಶನ ನೀಡಿದ್ದಾರೆ.

ಯುವ ದಾಂಡಿಗ ಸರ್ಫರಾಝ್ ಖಾನ್ ಶತಕ ಬಾರಿಸಿದರೆ, ವಿಕೆಟ್ ಕೀಪರ್ ಬ್ಯಾಟರ್ ರಿಷಭ್ ಪಂತ್ ಅರ್ಧಶತಕ ಸಿಡಿಸಿದ್ದಾರೆ. ಈ ಜೋಡಿಯನ್ನು ಬೇರ್ಪಡಿಸಲು ನ್ಯೂಝಿಲೆಂಡ್ ತಂಡಕ್ಕೆ ಅತ್ಯುತ್ತಮ ಅವಕಾಶ ದೊರೆತಿತ್ತು. ಆದರೆ ಸರ್ಫರಾಝ್ ಖಾನ್ ಅವರ ಕಿರುಚಾಟ, ಕುಣಿದಾಟದಿಂದಾಗಿ ರಿಷಭ್ ಪಂತ್ ರನೌಟ್ ನಿಂದ ಬಚಾವ್ ಆಗಿದ್ದಾರೆ.

ಸರ್ಫರಾಝ್ ಖಾನ್ ಡೀಪ್ ಬ್ಯಾಕ್ವರ್ಡ್ ನತ್ತ ಚೆಂಡನ್ನು ಬಾರಿಸಿದರು. ಸರ್ಫರಾಝ್ ಖಾನ್ ಒಂದು ರನ್ ಗೆ ತೃಪ್ತಿಪಟ್ಟುಕೊಂಡರು. ಆದರೆ ಇದನ್ನು ಗಮನಿಸದ ರಿಷಭ್ ಪಂತ್ 2ನೇ ರನ್ನಿಗಾಗಿ ಓಡಿದ್ದಾರೆ. ಇತ್ತ ಇನ್ನೊಂದು ಕಡೆಯಿಂದ ಸರ್ಫರಾಝ್ ಖಾನ್ ಬೇಡವೆಂದರೂ, ರಿಷಭ್ ಪಂತ್ ನಾನ್ ಸ್ಟ್ರೈಕರ್ನನ್ನು ಗಮನಿಸಲಿಲ್ಲ.  ಚೆಂಡನ್ನೇ ನೋಡುತ್ತಾ ಓಡಿದ್ದಾರೆ. ಈ ವೇಳೆ  ಸರ್ಫರಾಝ್ ಖಾನ್ ಕಿರುಚುತ್ತಾ, ಕುಣಿಯುತ್ತಾ, ರಿಷಭ್ ಪಂತ್ ಅವರನ್ನು ತನ್ನತ್ತ ನೋಡುವಂತೆ ಮಾಡಿ ಹಿಂದಕ್ಕೆ ಕಳುಹಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಇದೀಗ ಈ ವಿಡಿಯೋ ಸಾಮಾಜಿಕ ತಾಣದಲ್ಲಿ ವೈರಲ್ ಆಗಿದ್ದು, ಸರ್ಫರಾಝ್ ಖಾನ್ ಕುಣಿದಾಟಕ್ಕೆ ಪ್ರತಿಕ್ರಿಯೆ, ಪ್ರಶಂಸೆ ವ್ಯಕ್ತವಾಗುತ್ತಿದೆ.