ಕಾಲ್ನಡಿಗೆ ಮೂಲಕ ಹಜ್ ಯಾತ್ರೆ ಕೈಗೊಂಡ ಉಪ್ಪಿನಂಗಡಿಯ ಯುವಕ ಇಂದು ಊರಿಗೆ

ಉಪ್ಪಿನಂಗಡಿ ಸಮೀಪದ ಪೆರಿಯಡ್ಕದಿಂದ 2023 ಜನವರಿ 30ರಂದು ಸೌದಿ ಅರೇಬಿಯಾದ ಪವಿತ್ರ ಮಕ್ಕಾಗೆ ಕಾಲ್ನಡಿಗೆ ಯಾತ್ರೆ ಹಮ್ಮಿಕೊಂಡಿದ್ದ ಅಬ್ದುಲ್ ಖಲೀಲ್(ನೌಶಾದ್ ಬಿಕೆಎಸ್) ಅವರು 2024 ಫೆ.1ರಂದು ಮಕ್ಕಾ ತಲುಪಿದ್ದರು. ಆ ಮೂಲಕ ಒಂದು ವರ್ಷ ಎರಡು ದಿನಗಳ ತನ್ನ ಸುಧೀರ್ಘ ಕಾಲ್ನಡಿಗೆ ಬಳಿಕ ಅವರು ಮಕ್ಕಾ ತಲುಪಿದ್ದರು. ಇದೀಗ ಈ ಬಾರಿಯ ಹಜ್ ಕರ್ಮ ನಿರ್ವಹಿಸಿದ ಅವರು ಜೂ.21ರಂದು ಊರಿಗೆ ವಾಪಸ್ ಬರಲಿದ್ದಾರೆ. ಊರಿನಲ್ಲಿ ಅವರಿಗೆ ಸನ್ಮಾನ ಕಾರ್ಯಕ್ರಮ ಏರ್ಪಡಿಸಲಾಗಿದೆ.