ಮದ್ಯಾಹ್ನ ಸೇರ್ಪಡೆ ಸಂಜೆ ಟಿಕೆಟ್: ಪುತ್ತೂರು ಕ್ಷೇತ್ರದಿಂದ ಜೆಡಿಎಸ್ ಅಭ್ಯರ್ಥಿಯಾಗಿ ದಿವ್ಯ ಪ್ರಭಾ ಗೌಡ
![](http://newsbites.in/wp-content/uploads/2024/08/PHOTO-2024-08-31-17-33-00-741x1024.jpg)
ಇಂದು ಕಾಂಗ್ರೆಸ್ ತೊರೆದು ಜೆಡಿಎಸ್ ಸೇರಿದ ದಿವ್ಯಾಪ್ರಭಾ ಗೌಡ ಚಿಲ್ತಡ್ಕರವರಿಗೆ ಪುತ್ತೂರು ವಿಧಾನ ಸಭಾ ಕ್ಷೇತ್ರದ ಅಭ್ಯರ್ಥಿಯಾಗಿ ಜೆಡಿಎಸ್ ಟಿಕೆಟ್ ಘೋಷಿಸಿದೆ.
![](http://newsbites.in/wp-content/uploads/2023/04/IMG_20230414_192019.jpg)
ಇಂದು ಮದ್ಯಾಹ್ನ ಜೆಡಿಎಸ್ ಸೇರಿದ ದಿವ್ಯಪ್ರಭಾ ಅವರಿಗೆ ಸಂಜೆ ವೇಳೆ ಜೆಡಿಎಸ್ ಟಿಕೆಟ್ ಸಿಕ್ಕಿದೆ. ಆ ಮೂಲಕ ಕೆಲವೇ ಗಂಟೆಗಳಲ್ಲಿ ಟಿಕೆಟ್ ಗಿಟ್ಟಿಸಿಕೊಂಡಂತಾಗಿದೆ.
ಈಗಾಗಲೇ ಜೆಡಿಎಸ್ ನಿಂದ ಪುತ್ತೂರು ವಿಧಾನಸಭಾ ಕ್ಷೇತ್ರದ ಅಭ್ಯರ್ಥಿ ಸ್ಥಾನಕ್ಕೆ ಅಶ್ರಫ್ ಕಲ್ಲೇಗ ಅವರು ಆಕಾಂಕ್ಷಿಯಾಗಿದ್ದರು. ಅಲ್ಲದೆ ಜೆಡಿಎಸ್ ನ ಹಿರಿಯ ನಾಯಕ ಸಯ್ಯದ್ ಮೀರಾ ಸಾಹೇಬ್ ಅವರು ಕೂಡ ಪುತ್ತೂರು ವಿಧಾನಸಭಾ ಕ್ಷೇತ್ರದ ಟಿಕೆಟ್ ಆಕಾಂಕ್ಷಿಯಾಗಿದ್ದರು.
ಪುತ್ತೂರಿನಲ್ಲಿ ಜೆಡಿಎಸ್ ಬಾವುಟವನ್ನು ಹಾರಿಸುತ್ತೇವೆ, ಜೆಡಿಎಸ್ ನ ಶಕ್ತಿ ತೋರಿಸುತ್ತೇವೆ ಎಂದು ದಿವ್ಯ ಪ್ರಭಾ ಗೌಡ ಹೇಳಿದ್ದಾರೆ.