ಕಡಬ :ರೈಲು ಡಿಕ್ಕಿಯಾಗಿ ಗಂಭೀರ ಗಾಯಗೊಂಡಿರುವ ನಾಗಣ್ಣ ಗೌಡರವರ ಮನೆಗೆ ಎಚ್.ಎಂ ನಂದಕುಮಾರ್ ನೇತೃತ್ವದ ಕಾಂಗ್ರೆಸ್ ನಿಯೋಗ ಭೇಟಿ

ಕಡಬ : ನೆಟ್ಟಣ ರೈಲು ನಿಲ್ದಾಣದ ಬಳಿ ಹಳಿ ದಾಟುತ್ತಿದ್ದ ಸಂದರ್ಭ ರೈಲಿನ ಎಂಜಿನ್ ಡಿಕ್ಕಿಯಾಗಿ ಗಂಭೀರ ಗಾಯಗೊಂಡು ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಐತೂರು ಕೋಟೆಕಜೆ ನಿವಾಸಿ ನಾಗಣ್ಣರವರ ಮನೆಗೆ ಕೆಪಿಸಿಸಿ ರಾಜ್ಯ ಸಂಯೋಜಕ ಹಾಗೂ ಕಡಬ ಕಾಂಗ್ರೆಸ್ ಉಸ್ತುವಾರಿ ನಂದಕುಮಾರ್ ಎಚ್ ಎಂ ರವರ ನೇತೃತ್ವದಲ್ಲಿ ಕಾಂಗ್ರೆಸ್ ನಿಯೋಗ ಅಕ್ಟೋಬರ್ 12ರಂದು ಭೇಟಿ ನೀಡಿದ್ದಾರೆ.

ನಿಯೋಗದಲ್ಲಿ ಕಡಬ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಸುಧೀರ್ ಕುಮಾರ್ ಶೆಟ್ಟಿ, ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯ ಪಿಪಿ ವರ್ಗಿಸ್, ಪಕ್ಷದ ಮುಖಂಡರುಗಳಾದ ಸತೀಶ್ ಮೇಲಿನ ಮನೆ, ಸತೀಶ್ ಮೀನಾಡಿ,ಸತೀಶ್ ಕೆಡೆಂಜೆ, ಫಜಲ್ ಕೊಡಿಂಬಾಲ , ಸಿ. ಪಿ ಸೈಮನ್, ಕ್ಷೆವಿಯರ್ ಬೇಬಿ, ಇಸ್ಮಾಯಿಲ್ ಎಮ್.ಹೆಚ್. ಐತೂರ್, ಗ್ರಾಮ ಪಂಚಾಯತ್ ಅಧ್ಯಕ್ಷ ಶಿವಶಂಕರ ಬಿಳಿನೆಲೆ , ಉಪಾಧ್ಯಕ್ಷೆ ಶಾರದಾ ಬಿಳಿನೆಲೆ, ಹಾಗೂ ಮಹಿಳಾ ಬ್ಲಾಕ್ ಅಧ್ಯಕ್ಷರು,ಸತೀಶ್ ಶೆಟ್ಟಿ ಹೊಸಮಠ, ಜಗನ್ನಾಥ ಶೆಟ್ಟಿ ಹಾಗೂ ನಾಗೇಶ್ ಬೈಲು, ಸತೀಶ್ ಕಳಿಗೆ, ಮರ್ದಾಳ ಗ್ರಾಮ ಪಂಚಾಯತಿ ಸದಸ್ಯ ಶಾಕಿರ್,ಶರೀಫ್ ಕಡಬ ಮೊದಲಾದವರು ಉಪಸ್ಥಿತರಿದ್ದರು.
ರೈಲು ಅಪಘಾತ ದಲ್ಲಿ ಗಾಯಗೊಂಡ ನಾಗಣ್ಣ ಗೌಡರ ಮನೆಗೆ ಭೇಟಿ ನೀಡಿದ ನಂದ ಕುಮಾರ್ ರವರು ಚಿಕಿತ್ಸೆಗೆ ನೆರವಾಗಲು ವೈಯಕ್ತಿಕ ಸಹಾಯ ಧನ ನೀಡಿದರು. ಮತ್ತು ಅವರ ಇಬ್ಬರು ಮಕ್ಕಳಿಗೆ ತಮ್ಮ ಕಂಪನಿಯಲ್ಲಿ ಉದ್ಯೋಗ ನೀಡುವುದಾಗಿ ಭರವಸೆ ನೀಡಿದರು.
ಅಲ್ಲದೆ ಕಡಬ ಬ್ಲಾಕ್ ಕಾಂಗ್ರೆಸ್ ಪಕ್ಷದ ವತಿಯಿಂದ ಹೆಚ್ಚಿನ ಚಿಕಿತ್ಸೆ ಗೆ ಸಹಾಯ ಧನ ನೀಡುವುದಾಗಿ ಭರವಸೆ ನೀಡಿದರು.