ಕೊಡಗು: ರಸ್ತೆಯಲ್ಲಿ ಅಡ್ಡಗಟ್ಟಿ ದರೋಡೆ ಪ್ರಕರಣ- 4 ಮಂದಿ ಆರೋಪಿಗಳನ್ನು ಬಂಧಿಸಿದ ವಿರಾಜಪೇಟೆ ಪೊಲೀಸರು
ಕೊಡುಗು: ವಿರಾಜಪೇಟೆಯ ಮಗ್ಗುಲದ ಡೆಂಟಲ್ ಕಾಲೇಜು ಬಳಿ ಅಕ್ಟೋಬರ್ 7ರಂದು ರಾತ್ರಿ 10:45ಕ್ಕೆ
ಕಾರಿನಲ್ಲಿ ತೆರಳುತ್ತಿದ್ದ ಅನ್ವರ್ ಮತ್ತು ಇಬ್ಬರು ಸ್ನೇಹಿತರನ್ನು ತಡೆದ ದರೋಡೆಕೋರರು ಕಾರಿನಲ್ಲಿದ್ದವರ ನಗದನ್ನು ಲೂಟಿ ಮಾಡಿದ್ದರು.
ಅನ್ವರ್ ಕೇರಳ ಮೂಲದ ತಮ್ಮ ಸ್ನೇಹಿತರೊಂದಿಗೆ ಮೈಸೂರು ತೆರಳುತ್ತಿದ್ದರು ಎನ್ನಲಾಗಿದೆ.
ಪ್ರಕರಣ ವಿರಾಜಪೇಟೆ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದ್ದು ಕಾರ್ಯಾಚರಣೆಗೆ ಇಳಿದ ವಿರಾಜಪೇಟೆ ಪೊಲೀಸರು ಘಟನೆಗೆ ಸಂಬಂಧಿಸಿದಂತೆ ಸ್ಥಳೀಯ 4 ಮಂದಿಯ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಆರೋಪಿಗಳು ವಿರಾಜಪೇಟೆ ಸುಭಾಶ್ ನಗರ ನಿವಾಸಿ ಬಿ. ಅಬ್ದುಲ್ ಜಮೀಲ್,
ಅಯ್ಯಪ್ಪ ಬೆಟ್ಟ ನಿವಾಸಿ ಪಿ.ಎಸ್. ಅನೀಸ್, ಕೆ.ಬೋಯಿಕೇರಿ ನಿವಾಸಿ ಪಿ.ಕೆ ಸಂಜು ಮತ್ತು ವಿರಾಜಪೇಟೆ ಗಾಂಧಿನಗರ ನಿವಾಸಿ ಕೆ.ಎಸ್ ರಮ್ಯ ಬಂಧಿತ ಆರೋಪಿಗಳು ಎಂದು ತಿಳಿದುಬಂದಿದೆ.
ಬಂಧಿತರಿಂದ 31 ಸಾವಿರ ನಗದು, 2 ಆಟೋರಿಕ್ಷಾ, 4 ಮೊಬೈಲ್ ಫೋನ್, ಚಾಕು,
ಬಿಯರ್ ಬಾಟಲಿ ಹಾಗೂ ಎ.ಟಿ.ಎಂ ಕಾರ್ಡ್‌ಗಳನ್ನು ವಶಕ್ಕೆ ಪಡೆದಿದ್ದಾರೆ.
