ಮತದಾನಕ್ಕೆಂದೇ ಕುಟುಂಬದೊಂದಿಗೆ ವಿದೇಶದಿಂದ ಬಂದು ಹಕ್ಕು ಚಲಾಯಿಸಿ ಮಾದರಿಯಾದ ಅಮ್ಜದ್ ಖಾನ್
ಪುತ್ತೂರು: ಕಮ್ಯೂನಿಟಿ ರೀಸರ್ಚ್ ಆಂಡ್ ಡೆವಲಪ್‌ಮೆಂಟ್ ಸೆಂಟರ್‌ನ ಚೇರ್‌ಮೆನ್ ಅಮ್ಜದ್ ಖಾನ್ ಪೋಳ್ಯ ಅವರು ಸೌದಿ ಅರೇಬಿಯಾದ ದಮ್ಮಾಮ್‌ನಿಂದ ಮತದಾನ ಮಾಡಲೇಂದೇ ಕುಟುಂಬ ಸಮೇತರಾಗಿ ಆಗಮಿಸಿ ಮುರ ಸರಕಾರಿ ಶಾಲೆಯ ಬೂತ್ ಸಂಖ್ಯೆ 206ಕ್ಕೆ ತೆರಳಿ ಮತ ಚಲಾಯಿಸುವ ಮೂಲಕ ಮಾದರಿಯಾಗಿದ್ದಾರೆ.
ಅಮ್ಜದ್ ಖಾನ್ ಅವರು ತನ್ನ ತಾಯಿ, ಪತ್ನಿ ಹಾಗೂ ಕುಟುಂಬದ ಇತರ ಸದಸ್ಯರೊಂದಿಗೆ ಊರಿಗೆ ಆಗಮಿಸಿ ಮತದಾನ ಮಾಡಿದ್ದಾರೆ. ಒಟ್ಟು ಏಳು ಮಂದಿ ಮತದಾನ ಮಾಡಿದ್ದು ಅದರಲ್ಲಿ ಅಮ್ಜದ್ ಖಾನ್ ಅವರ ಪುತ್ರ ಮುಹಮ್ಮದ್ ನೆಹಾನ್ ಅವರು ತಮ್ಮ ಪ್ರಥಮ ಹಕ್ಕನ್ನು ಚಲಾಯಿಸಿ ಖುಷಿ ಪಟ್ಟರು.
ಅಮ್ಜದ್ ಖಾನ್ ಅವರು ಮತದಾನದ ಮಹತ್ವದ ವಿಚಾರವಾಗಿ ಇತ್ತೀಚೆಗೆ ವೆಬ್ ನ್ಯೂಸ್ ಮುಖಾಂತರ ಜಾಗೃತಿ ಮೂಡಿಸುವ ಸಂದೇಶ ನೀಡಿದ್ದರು.
