ಹುಬ್ಬಳ್ಳಿ: ಪೊಲೀಸರ ಸರ್ಪಗಾವಲಿನ ನಡುವೆ ಮೋದಿಯವರತ್ತ ನುಗ್ಗಿದ ಬಾಲಕ..!
ಹುಬ್ಬಳ್ಳಿ : ಪ್ರಧಾನಿ ನರೇಂದ್ರ ಮೋದಿ ಅವರು ಗುರುವಾರ ನಗರದಲ್ಲಿ ನಡೆಸುತ್ತಿದ್ದ ರೋಡ್ ಶೋ ವೇಳೆ ಭದ್ರತಾ ಲೋಪ ಉಂಟಾಗಿದೆ. ಬಾಲಕನೊಬ್ಬ ಏಕಾಏಕಿ ಮೋದಿ ಕಾರಿನತ್ತ ನುಗ್ಗಿ ಬಂದ ಘಟನೆ ನಡೆದಿದೆ.
ಪೊಲೀಸರ ಸರ್ಪಗಾವಲಿನ ನಡುವೆ ಬಾಲಕ ಹೂವಿನ ಹಾರ ಹಿಡಿದುಕೊಂಡು ಪ್ರಧಾನಿ ಮೋದಿ ಅವರಿಗೆ ಹಾಕಲು ಮುಂದಾಗಿದ್ದಾನೆ. ಈ ವೇಳೆ ಭದ್ರತಾ ಸಿಬಂದಿಗಳು ತಡೆಯಲು ಯತ್ನಿಸಿ ಹೂವಿನ ಹಾರ ಪಡೆದರು. ಆದರೆ ಪ್ರಧಾನಿ ಆ ಹಾರವನ್ನು ಕೈಯಲ್ಲಿ ಸ್ವೀಕರಿಸಿದರು. ಬಾಲಕ ಓಡೋಡಿ ಬರುವ ವಿಡಿಯೋ ಇದೀಗ ವೈರಲ್ ಆಗಿದೆ.
